رصّ “كورونا” اللبنانيين صفاً واحداً لمواجهة الفيروس الذي تحوّل إلى وباء. ومن منازلهم التي التزموها للوقاية من الخطر الذي يتفشّى بسرعة فائقة، غرّد اللبنانيون انطلاقاً من هاجسهم الصحّي واستيائهم حيال التقصير في إدارة هذا الملف.
وفي ما يلي باقة من التغريدات.
عباس نور الدين
إذا أنت كتير قوي وأبو حديد… بدك تروق عوضعك شوي.
وتفكر ببيك وأمك اللي عمرهن فوق الستين ومناعتهم مش حديد! بدك تفكر بمرتك.
بأخواتك… بإبنك وبنتك… بجارك اللي ما خصو بهبلك واستهتارك.
بكل حدا ممكن تأذيه وتحمّل ضميرك ذنب يمكن يوصل لموتو.
شيرين عبدالله
كورونا ليس مزحة. الله يحمي عائلتي والأصدقاء والإنسانيّة.
سامر دبليز
حكومة الفضيحة الفصيحة فايحة منها الريحة…
سارة عساف
بما إنو السلطة
عديمة المسؤولية
وعديمة السيادة
وعديمة الأخلاق
مطلوب اليوم من المؤسسات الخاصة ومن الشعب اللبناني ناخد المبادرة لمنع تفشي كورونا
سكروا شركاتكم ومؤسساتكم
سكروا بيوتكم ووقفوا ضهراتكم
ت تحموا حالكم وغيركم من اكورونا.
شادي نشابة
لا تتوقعوا من دولة لا انسانية في قطاعات مختلفة، ان تكون على قدر المسؤولية بملف ووباء مثل كورونا.
“ماهر”
أعلنوها حالة طوارئ، ليس من أجل الشعب… كرمالكن والله، لأن إذا متنا! مين بدكن تسرقوا؟
سارة حمودة
فينا كشعب نخفف حيونة
وتأليف سيناريوهات ومقاطع وتداول لحكي بيسوى وما بيسوى عالواتساب؟!
لأنو النفسيات مش ناقصة!
يا إحكوا وبعتوا أشياء صح علميّة مع مصادر يا حاجة لعي وتأليف وتسلاية وأكل هوا
العمى اذا بينحمل شعبنا!
